Մեր թիմը

Մրցաշրջան 2009թ-ի նախապատրաստական շրջանում ընկերական բազմաթիվ խաղերում փորձարկվեցին մեծ թվով փորձառու, երիտասարդ ու պատանի ֆուտբոլիստներ, որոնք էլ հետագայում կազմեցին ՀՀ առաջնության 1-ին խմբի մրցաշարին մասնակցող ՙԻմպուլսի՚ հիմնական կորիզը: Այդ փուլում բացի 1-ին խմբի ներկայացուցիչների հետ ունեցած ընկերական հանդիպումներից, ՙԻմպուլսը՚ ստուգողական խաղեր անցկացրեց նաև ՀՀ բարձրագույն խմբի թիմերի, ինչպես նաև Իրանի բարձրագույն խումբը ներկայացնող ՙՄալավանի՚ հետ, որին հաղթեցին 2:1 հաշվով(2 գոլի հեղինակն էլ Արման Մինասյանն էր): ՙԻմպուլսը՚ 2009թ-ի մարտին մասնակցեց Արմավիրում ավանդաբար կազմակերպվող Հունան Ավետիսյանի հուշամրցաշարին: Եզրափակիչում 11մ-ոց հարվածաշարով(խաղի հիմնական ժամանակը ավարտվեց 1:1 հաշվով, գոլը խփեց Մհեր Նազարեթյանը,11մ-ոց հարվածները ավարտվեց 3:0) հաղթելով Երևանի ՙՇենգավիթին՚ ՙԻմպուլսը՚ դարձավ հուշամրցաշարի հաղթող: Իսկ ապրիլից ՙԻմպուլսը՚ ներգրավվեց ՀՀ 1-ին խմբի առաջնության մրցաշարին: Այս ստուգատեսում թիմի կազմում հանդես եկան այնպիսի փորձառու ֆուտբոլիստներ ինչպիսիք են` Արամ Հակոբյանը, Արման Մինասյանը, Ռոմեո Ջենեբյանը, Խորեն Վերանյանը, Գոռ Աթաբեկյանը, Հարություն Հովհաննիսյանը, Հրաչյա Վարդազարյանը, Անդրանիկ Թադևոսյանը, Ավետիք Կիրակոսյանը, Գորիկ Խաչատրյանը, Մհեր Նազարեթյանը և Արման Ավետիսյանը: ՙԻմպուլսի՚ հաջողություններում իրենց լուման ունեցան նաև երիտասարդ խաղընկերները` Վարդան Պետրոսյանը, Վահագն Այվազյանը, Կարապետ Գևորգյանը, Հակոբ Ղազարյանը, Գևորգ Առուշանյանը, Գոռ Էլյազյանը և Ռևիկ Եղիազարյանը:ՙԻմպուլսը՚ գերազանց անցկացրեց 1-ին խմբի մրցաշարը և առաջնության ավարտից 3 տուր առաջ անհասանելի դառնալով մրցակիցների համար, հռչակվեց 1-ին խմբի հաղթող ու արժանացավ ՀՖՖ փոխանցիկ գավաթին ու փոքր ոսկե մեդալներին: Այս հաջողությունից հետո ՙԻմպուլսը՚ իրավունք ստացավ մրցաշրջան 2010-ում հանդես գալ ՀՀ բարձրագույն խմբի առաջնությանը` փոխարինելով Երևանի ՙԱրարատին՚: Ստորև ներկայացնում ենք 2009թ-ի ՀՀ առաջնության 1-ին խմբի մրցաշարային ամփոփիչ աղյուսակը:

Թիմեր	Խ	Հ	Ո	Պ	ԽԳ	ԲԳ	Մ
Իմպուլս	24	18	4	2	57	22	58
Շենգավիթ	24	16	4	4	59	32	52
Փյունիկ-2	24	12	4	8	58	30	40
Բանանց-2	24	11	3	10	40	26	36
Միկա-2	24	10	5	9	36	33	35
Գանձասար-2	24	11	2	11	42	42	35
Փյունիկ-3	24	8	2	14	37	57	26
Շիրակ-2	24	4	3	17	21	60	15
Բանանց-3	24	3	3	18	22	70	12

Ռմբարկուներ

18 - Արման Մինասյան (Իմպուլս)

12 - Խորեն Մանուչարյան (Փյունիկ-2)

10 - Մարտուն Հակոբյան (Շենգավիթ)

9 - Հովհաննես Մնացականյան (Շենգավիթ)